ഗുളിക രൂപത്തിലാക്കി സ്വർണം കടത്താൻ ശ്രമം: യുവാവ് പിടിയിൽ!!!
എടക്കര സ്വദേശി പ്രജിൻ എന്ന യുവാവ് ഗുളിക രൂപത്തിലാക്കി സ്വർണം കടത്താൻ ശ്രമിച്ചതിന് കോഴിക്കോട് കരിപ്പൂർ വിമാനത്താവളത്തിൽ കസ്റ്റംസിന്റെ പിടിയിലായി. റിയാദിൽ നിന്ന് എയർ ഇന്ത്യ എക്‌സ്പ്രസ് വഴി എത്തിയ പ്രജിൻ നാല് ക്യാപ്‌സ്യൂളുകളിലായി ഒളിപ്പിച്ച 1275 ഗ്രാം സ്വർണം അകത്താക്കുകയായിരുന്നു. പിടിച്ചെടുത്ത സ്വർണത്തിന് ഏകദേശം 70 ലക്ഷം രൂപ വില വരും. കസ്റ്റംസ് അധികൃതർ കള്ളക്കടത്ത് ശ്രമം കണ്ടെത്തി ആവശ്യമായ നടപടികൾ സ്വീകരിച്ചു.
