സ്കൂൾ തുറക്കാൻ നാലു ദിവസം ബാക്കി; ആയിരക്കണക്കിന് ബസുകൾ ഇനിയും ഫിറ്റ്നസ് സർട്ടിഫിക്കറ്റുകൾ വാങ്ങാൻ : കൊല്ലം: വിദ്യാർത്ഥികളുടെ സുരക്ഷിതയാത്ര ഉറപ്പാക്കാൻ സ്കൂൾ തുറക്കും മുമ്പേ സ്കൂൾ വാഹനങ്ങളുടെ സുരക്ഷ ഉറപ്പാക്കാൻ വേണ്ടി മോട്ടോർ വാഹനവകുപ്പിന്‍റെ പരിശോധന പൂർത്തിയാക്കി ഫിറ്റ്നസ് ചെക് സ്ലിപ് വാങ്ങാൻ നിർദേശം നൽകിയിരുന്നു. എന്നാൽ സ്കൂൾ തുറക്കാൻ ഇനിയും വെറും നാലു ദിവസം ബാക്കി നിൽക്കെ കൊല്ലം ജില്ലയിൽ ഇനിയും ആയിരക്കണക്കിന് ബസുകളാണ് ഫിറ്റ്നസ് ചെക്ക് സ്ലിപ് വാങ്ങാൻ ബാക്കിയുള്ളത്. ജില്ലയിൽ 1800 ഓളം സ്കൂൾ ബസുകളാണ് കഴിഞ്ഞ വർഷം സർവിസ് നടത്തിയതെന്നാണ് റിപ്പോർട്ട്.
ഇത്തവണ സ്കൂൾ തുറക്കുന്നതിന് മുന്നോടിയായി എല്ലാ ബസുകളും ആർ.ടി.ഒ-യുടെ ഫിറ്റ്നസ് പരിശോധനക്ക് വിധേയമായി ഫിറ്റ്നസ് ചെക്ഡ് സ്ലിപ് വാങ്ങുന്നതിനുള്ള തിരക്കിലാണ് എങ്ങും അത് താലൂക്കുകൾ കേന്ദ്രീകരിച്ചാണ് സബ് ആർ.ടി.ഒ-കളുടെ നേതൃത്വത്തിൽ പരിശോധന നടത്തി വരുന്നത്.
