വലിയ വാർത്ത: സർക്കാർ ജീവനക്കാർക്ക് ഞായറാഴ്ച്ചയും അവധി ഇല്ല – കേരള സർക്കാർ!!
നവകേരള സദസിൽ പങ്കെടുക്കുന്നതിന് വേണ്ടി നവംബർ 19 ഞായറാഴ്ച ജില്ലയിലെ സർക്കാർ ജീവനക്കാരുടെ അവധി റദ്ദാക്കിയതായി കാസർകോട് കളക്ടർ ഇൻബശേക്കർ കാളിമുത്ത് അറിയിച്ചു. മുഖ്യമന്ത്രി പിണറായി വിജയനും മന്ത്രിമാരും സംസ്ഥാനത്തെ 140 മണ്ഡലങ്ങളിലും പര്യടനം നടത്തുന്ന എൽഡിഎഫ് സർക്കാരിന്റെ നേട്ടങ്ങൾ ഉയർത്തിക്കാട്ടാനാണ് പരിപാടി ലക്ഷ്യമിടുന്നത്. കാസർകോട് ജില്ലയിൽ മഞ്ചേശ്വരം നിയോജക മണ്ഡലത്തിൽ ശനിയാഴ്ചയും കാസർകോട്, കാഞ്ഞങ്ങാട്, ഉദ്മ, തൃക്കരിപ്പൂർ മണ്ഡലങ്ങളിൽ ഞായറാഴ്ചയുമാണ് നവകേരള സദസ് ക്രമീകരിച്ചിരിക്കുന്നത്. നവംബർ 14ന് പുറത്തിറക്കിയ ഉത്തരവിൽ അതത് നിയോജക മണ്ഡലങ്ങളിലെ നവകേരള സദസിൽ ജീവനക്കാരുടെ ഹാജർ ഉറപ്പാക്കാൻ വകുപ്പ് മേധാവികൾക്ക് കലക്ടർ നിർദേശം നൽകി.
