ഈ നാലു ജില്ലകളിൽ ജാഗ്രത മുന്നറിയിപ്പ്; ഇടിമിന്നലിലും കാറ്റിനും സാധ്യത!!!
തിരുവനന്തപുരം: കേരളത്തിൽ നാലു ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ മഴയ്ക്കും ഇടിമിന്നലിനും ശക്തമായ കാറ്റിനും സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പു നൽകി. മണിക്കൂറിൽ 40 കി.മീ. വരെ വേഗതയിൽ വീശിയടിക്കാൻ കഴിയുന്ന ശക്തമായ കാറ്റെന്നാണ് അവർ സൂചിപ്പിക്കുന്നത്.
ആലപ്പുഴ, എറണാകുളം, തൃശൂർ, കണ്ണൂർ എന്നീ ജില്ലകളിലാണ് 26-05-2023 മുതൽ 28-05-2023 വരെ ശക്തമായ കാറ്റും ഇടിമിന്നലും മഴയും ഉണ്ടാവും എന്ന് കാലാവസ്ഥ നിരീക്ഷണ കേന്ദ്രം സൂചിപ്പിച്ചത്. കേരള ലക്ഷദ്വീപ് തീരങ്ങളിൽ മണിക്കൂറിൽ 40 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശമായ കാലാവസ്ഥക്കും സാദ്ധ്യതയുള്ളതിനാൽ ഈദിവസങ്ങളിൽ പ്രദേശങ്ങളിലുള്ളവർ മത്സ്യബന്ധനത്തിന് പോകുവാൻ പാടുള്ളതല്ല.
