ഡബിൾ ഡക്കർ ട്രൈനുകൾ കേരളത്തിലേക്ക്! തുടക്കത്തിൽ ഈ റൂട്ടുകളിൽ മാത്രം!!
ഇന്ന് ആരംഭിക്കുന്ന പാലക്കാട്-പൊള്ളാച്ചി-കോയമ്പത്തൂർ റെയിൽവേ ലൈനിലൂടെ ഓടുന്ന പുതിയ ഡബിൾ ഡെക്കർ ട്രെയിൻ കേരളത്തിൽ അരങ്ങേറുന്നു. നിലവിൽ ബാംഗ്ലൂർ-കോയമ്പത്തൂർ റൂട്ടിൽ സർവീസ് നടത്തുന്ന ഈ ട്രെയിൻ പൊള്ളാച്ചി വഴി പാലക്കാട് ജംക്‌ഷനിലേക്ക് നീട്ടുന്നതിനുള്ള ട്രയൽ റൺ നടത്തിവരികയാണ്.
ഉദയ എക്സ്പ്രസ് (നമ്പർ 22665/66) എന്നറിയപ്പെടുന്ന ഉദയ് ഡബിൾ ഡെക്കർ ട്രെയിൻ കോയമ്പത്തൂരിൽ നിന്ന് രാവിലെ 8 മണിക്ക് പുറപ്പെട്ട് 10:45 ന് പാലക്കാട് ടൗൺ സ്റ്റേഷനിലും 11:05 ന് പാലക്കാട് ജംഗ്ഷനിലും എത്തിച്ചേരും. തിരിച്ച് രാത്രി 11.55ന് പുറപ്പെട്ട് 2:20ന് കോയമ്പത്തൂരിൽ എത്തിച്ചേരുന്നതോടെ ട്രയൽ റൺ സമാപിക്കും.
കോയമ്പത്തൂരിനും ബാംഗ്ലൂരിനും ഇടയിൽ 432 കിലോമീറ്റർ വ്യാപിച്ച് കർണാടക, ആന്ധ്രാപ്രദേശ്, തമിഴ്‌നാട് എന്നിവയിലൂടെ കടന്നുപോകുന്ന ഉദയ് എക്‌സ്‌പ്രസിന് കോയമ്പത്തൂർ നോർത്ത്, തിരുപ്പൂർ, ഈറോഡ്, സേലം, തിരുപ്പത്തൂർ, കുപ്പം, കെആർ പുരം, ബെംഗളൂരു സിറ്റി എന്നിവയുൾപ്പെടെ ഒമ്പത് സ്റ്റോപ്പുകൾ ഉണ്ട്.
