Vaccation Class Update: ഹൈകോടതി വിധിച്ചത് CBSE, ICSE-കാർക്ക് മാത്രം, സർക്കാർ സ്‌കൂളുകളിലെ കുട്ടികൾക്ക് ഇല്ല!
സിബിഎസ്ഇ, ഐസിഎസ്ഇ പാഠ്യപദ്ധതി പിന്തുടരുന്ന സ്കൂളുകൾക്ക് ചില നിബന്ധനകളോടെ അവധിക്കാല ക്ലാസുകൾ നടത്താൻ ഹൈക്കോടതി അനുമതി നൽകി. ജസ്റ്റിസുമാരായ മുഹമ്മദ് മുഷ്താഖ്, അബ്ദുൾ ഹക്കിം എന്നിവരടങ്ങുന്ന ഡിവിഷൻ ബെഞ്ച് പുറപ്പെടുവിച്ച ഉത്തരവിൽ പറയുന്ന പ്രകാരം രാവിലെ 7:30 നും 10:30 നും ഇടയിലാണ് ഈ ക്ലാസുകൾ നടത്താൻ അനുമതിയുള്ളത്. കൗൺസിൽ ഓഫ് സിബിഎസ്ഇ സ്‌കൂൾസ് കേരള സമർപ്പിച്ച ഹർജിയിലാണ് തീരുമാനം.എന്നാൽ, കേരള വിദ്യാഭ്യാസ നിയമത്തിലെ വ്യവസ്ഥകൾ ഇല്ലാത്തതിനാൽ സർക്കാർ, എയ്ഡഡ് സ്‌കൂളുകളിൽ അവധിക്കാല ക്ലാസുകൾ നടത്താൻ നിലവിൽ അനുമതിയില്ല. ആവശ്യമെങ്കിൽ ഈ സ്‌കൂളുകളിൽ അവധിക്കാല ക്ലാസുകൾ സാധ്യമാക്കാൻ സർക്കാരിന് പ്രത്യേക ഉത്തരവിറക്കാമെന്നും കോടതി നിർദേശിച്ചു. രക്ഷാകർതൃ സമ്മതത്തോടെ അവധിക്കാല ക്ലാസുകൾ അനുവദിച്ച ഹൈക്കോടതി സിംഗിൾ ബെഞ്ചിൻ്റെ മുൻ നിർദ്ദേശത്തെ തുടർന്നാണ് ഈ വിധി.
