സപ്ലൈകോ ചന്തക്ക് ഇന്ന് തുടക്കം! ഈസ്റ്റർ, റംസാൻ, വിഷു വിപണികൾ പൊടി പൊടിക്കും!!
വിലക്കയറ്റം തടയാൻ ലക്ഷ്യമിട്ട് മാർച്ച് 28 മുതൽ സംസ്ഥാന സർക്കാർ ഈസ്റ്റർ, റംസാൻ, വിഷു വിപണികൾ ആരംഭിക്കും. ഏപ്രിൽ 13 വരെ സംസ്ഥാനത്തെ 83 താലൂക്കുകളിലും സപ്ലൈകോ സൂപ്പർമാർക്കറ്റുകളിൽ ഈ മാർക്കറ്റുകൾ പ്രവർത്തിക്കും. മാവേലിസ്റ്റോറുകൾ, സൂപ്പർമാർക്കറ്റുകൾ, പീപ്പിൾസ്ബസാറുകൾ, ഹൈപ്പർമാർക്കറ്റുകൾ, അപ്‌നബസാറുകൾ എന്നിവയുൾപ്പെടെ 1630 സപ്ലൈകോ ഔട്ട്‌ലെറ്റുകളിലുംഡിസ്‌കൗണ്ട് ഇനങ്ങളുടെ വിപുലമായ ശ്രേണി ലഭ്യമാകും.
അവശ്യസാധനങ്ങളായ ശബരി മുളകുപൊടി, മല്ലിപ്പൊടി, സാമ്പാർ പൊടി, ചിക്കൻ മസാല, വാഷിംഗ് സോപ്പ്, നാല് തരം ശബരി ചായപ്പൊടി എന്നിവയ്ക്ക് ഉപഭോക്താക്കൾക്ക് വില കുറയുമെന്ന് പ്രതീക്ഷിക്കാം. മാർച്ച് 29, 31, ഏപ്രിൽ 1, 2 തീയതികളിൽ മാർക്കറ്റുകൾ അടച്ചിടുമെന്നത് ശ്രദ്ധിക്കുക.
