കേരള എൻട്രൻസ് (കീം) പരീക്ഷ ഇന്ന് : ഏകദേശം 1.2 ലക്ഷം വിദ്യാർത്ഥികൾ പരീക്ഷയിൽ പങ്കെടുക്കും !!!
സംസ്ഥാനത്തെ എഞ്ചിനീയറിംഗ്, ഫാർമസി കോഴ്സുകളിലേക്കുള്ള പ്രവേശനത്തിന് അർഹരായ ഉദ്യോഗാർത്ഥികളുടെ ഷോർട്ട്ലിസ്റ്റ് ചെയ്യുന്നതിനുള്ള കേരള പ്രവേശന പരീക്ഷ (KEAM) ഇന്ന് മെയ് 17 ന് നടക്കും. സംസ്ഥാനത്തിനകത്തും പുറത്തുമായി 339 കേന്ദ്രങ്ങളിലായി നടക്കുന്ന പ്രവേശന പരീക്ഷയിൽ 1,23,624 ഉദ്യോഗാർത്ഥികൾ പങ്കെടുക്കും.
ആദ്യ പേപ്പറായ ഫിസിക്സ് –കെമിസ്ട്രി 10 മുതൽ 12.30 വരെയും രണ്ടാം പേപ്പറായ കണക്ക് 2.30 മുതൽ 5 വരെയുമാണ്. 9.30 മുതൽ പ്രവേശനം അനുവദിക്കും. ആദ്യ പരീക്ഷയ്ക്കുശേഷം പരീക്ഷാകേന്ദ്രത്തിനു പുറത്തുപോയി മടങ്ങിവരാൻ തടസ്സമില്ല. പ്രത്യേക ഡ്രസ് കോഡില്ല. പരീക്ഷയിൽ പങ്കെടുക്കുന്ന ഉദ്യോഗാർത്ഥികൾ അഡ്മിറ്റ് കാർഡിനൊപ്പം ഫോട്ടോ പതിച്ച തിരിച്ചറിയൽ രേഖയും കൊണ്ടുവരണമെന്ന് പ്രവേശന പരീക്ഷാ കമ്മീഷണറുടെ (സിഇഇ) ഓഫീസിൽ നിന്നുള്ള പ്രസ്താവനയിൽ പറയുന്നു. കേരളത്തിന് പുറമെ ഡൽഹി, മുംബൈ, ദുബായ് എന്നിവിടങ്ങളിലാണ് പരീക്ഷാകേന്ദ്രങ്ങൾ. സിഇഇയുടെ ഓഫീസിന്റെ ഹെൽപ്പ് ലൈൻ നമ്പർ 04712525300.