ന്യൂക്ലിയർ ഫിസിക്സ്
ന്യൂക്ലിയർ ഫിസിക്സ് പ്രോട്ടോണുകൾ, ന്യൂട്രോണുകൾ, അവയുടെ ന്യൂക്ലിയർ ഇടപെടലുകൾ എന്നിവയുടെ പഠനവുമായി ബന്ധപ്പെട്ടിരിക്കുന്നു. പ്രകൃതിയിലെ അടിസ്ഥാന ന്യൂക്ലിയർ ബലങ്ങളെയും ന്യൂട്രോണുകളും പ്രോട്ടോണുകളും തമ്മിലുള്ള സങ്കീർണ്ണമായ ഇടപെടലുകളെ മനസ്സിലാക്കുന്നതിലാണ് ഇത് പ്രധാനമായും ശ്രദ്ധ കേന്ദ്രീകരിക്കുന്നത്. ന്യൂക്ലിയർ ഫിസിക്സും ആറ്റോമിക് ഫിസിക്സും തമ്മിലുള്ള പ്രധാന വ്യത്യാസം ന്യൂക്ലിയർ ഫിസിക്സ് ന്യൂക്ലിയസുമായി ഇടപെടുമ്പോൾ ആറ്റോമിക് ഫിസിക്സ് ഒരു ആറ്റത്തെ മുഴുവൻ കൈകാര്യം ചെയ്യുന്നു എന്നതാണ്. ആറ്റോമിക് ഫിസിക്സ് മുഴുവൻ ആറ്റത്തെക്കുറിച്ചും ഇലക്ട്രോണുകളുടെ ഇലക്ട്രോണിക് കോൺഫിഗറേഷൻ എങ്ങനെ മാറും എന്നതിനെക്കുറിച്ചും ആണ് പ്രതിപാദിക്കുന്നത്.
ആണവ ഭൗതിക ശാസ്ത്രത്തിന്റെ(Nuclear Physics) പിതാവ് എന്നറിയപ്പെടുന്നത് ഏണസ്റ്റ് റൂഥർ ഫോർഡ് ആണ്. ഇന്ത്യൻ ആണവ ശാസ്ത്രത്തിന്റെ പിതാവ് ഹോമി ജെ ഭാഭ ആണ്. അണുകേന്ദ്രങ്ങൾ വിഘടിക്കുമ്പോൾ ശക്തിയേറിയ കിരണങ്ങൾ പുറത്തുവരുന്ന പ്രതിഭാസം അറിയപ്പെടുന്നത് റേഡിയോ ആക്ടിവിറ്റി എന്നാണ്. സ്വാഭാവിക റേഡിയോ ആക്ടിവിറ്റി കണ്ടുപിടിച്ചത് ഹെന്റി ബക്കറൽ ആണ് എന്നാൽ കൃത്രിമ റേഡിയോ ആക്ടിവിറ്റി കണ്ടുപിടിച്ചത് ഐറിൻ ജൂലിയറ്റ് ക്യൂറി,ഫ്രഡറിക് ജൂലിയറ്റ് ക്യൂറി എന്നിവരാണ്. റേഡിയോ ആക്ടിവിറ്റി അളക്കാനുപയോഗിക്കുന്ന ഉപകരണമാണ് ഗീഗർ മുള്ളർ കൗണ്ടർ. റേഡിയോ ആക്റ്റിവിറ്റിയുടെ യൂണിറ്റ് ക്യൂറി ആണ് എന്നാൽ റേഡിയോ ആക്റ്റിവിറ്റിയുടെ S.I യൂണിറ്റ് ബെക്കറെൽ ആണ്.
കൃതിമ റേഡിയോ ആക്ടിവിറ്റിയിലൂടെ സൃഷ്ടിക്കപ്പെടുന്ന ഐസോടോപ്പുകൾ അറിയപ്പെടുന്നത് റേഡിയോ ഐസോടോപ്പുകൾ എന്നാണ്.റേഡിയോ ആക്റ്റീവ് ഐസോട്ടോപ്പുകളിൽ നിന്നും മൂന്നു തരം വികിരണങ്ങൾ ആണ് പുറപ്പെടുവിക്കുന്നത്. റേഡിയോ ആക്ടീവ് പദാർത്ഥങ്ങളിൽ നിന്നും പുറന്തള്ളപ്പെടുന്ന മൂന്നുതരം വികിരണങ്ങളാണ് ആൽഫാ, ബീറ്റാ,ഗാമ എന്നിവ. ഏണസ്റ്റ് റൂഥർഫോർഡാണ് ഇവ കണ്ടെത്തിയത്.ആൽഫാ കണങ്ങൾ ഹീലിയം ന്യൂക്ലിയസിനു സമാനമായ റേഡിയോ ആക്ടീവ് വികിരണങ്ങളാണ്.
വസ്തുക്കളുടെ കാലപ്പഴക്കം കൃത്യമായി നിർണ്ണയിക്കാൻ ഉപയോഗി ക്കുന്ന സംവിധാനമാണ് കാർബൺ ഡേറ്റിംഗ്. വസ്തുക്കളുടെ കാലപ്പഴക്കം നിർണ്ണയിക്കാനുപയോഗിക്കുന്ന ഐസോടോപ്പ് ആണ് കാർബൺ -14. കാർബൺ ഡേറ്റിംഗ് ആദ്യമായി ആവിഷ്കരിച്ച ശാസ്ത്രജ്ഞൻ വില്ല്യാർഡ് ഫ്രാങ്ക് ലിബി ആണ്. ആൽഫാ കണം പോസിറ്റീവ് ചാർജും, ബീറ്റാ കണം നെഗറ്റീവ് ചാർജും, ഗാമാ കണം ചാർജ് ഒന്നും ഇല്ലാത്തതും ആണ്. ബീറ്റാ കണത്തിലടങ്ങിയിരിക്കുന്നത് ഇലക്ട്രോണുകൾ ആണ്.
PSC University Assistant Study Material 2023- ന്യൂക്ലിയർ ഫിസിക്സ്!
Kerala Jobs (തൊഴിൽ വാർത്തകൾ) 2023
ചേരാൻ  WhatsApp ഗ്രൂപ്പ് | ഇവിടെ ക്ലിക്ക് ചെയ്യുക |
സബ്സ്ക്രൈബ് ചെയ്യാൻ  Youtube ചാനൽ | ഇവിടെ ക്ലിക്ക് ചെയ്യുക |
ചേരാൻ  Telegram ചാനൽ | ഇവിടെ ക്ലിക്ക് ചെയ്യുക |
ചേരാൻ Facebook പേജ്ചാ | ഇവിടെ ക്ലിക്ക് ചെയ്യുക |
ചേരാൻ Instagram പേജ്ചാ | ഇവിടെ ക്ലിക്ക് ചെയ്യുക |
